Prezident İlham Əliyev bələdiyyələrin birləşməsi yolu ilə yeni bələdiyyələrin yaradılması haqqında qanunu təsdiq edib.
Qerbinfo.com saytı xəbər verir ki, sənəddə deyilir:
“Bələdiyyələrin birgə fəaliyyəti, birləşməsi, ayrılması və ləğv edilməsi haqqında” Azərbaycan Respublikası Qanununun 1-ci və 2-ci maddələrinə uyğun olaraq, Azərbaycan Respublikasında bələdiyyələrin birləşməsi yolu ilə aşağıdakı yeni bələdiyyələr yaradılsın”.
Qanuna əsasən, Qazax rayonu üzrə birləşmiş bələdiyyələr aşağıdakılardır:
30.1. Aslanbəyli və Yuxarı Salahlı bələdiyyələrinin əhatə etdiyi Aslanbəyli və Yuxarı Salahlı kəndlərində Aslanbəyli bələdiyyəsi;
30.2. Aşağı Salahlı və Orta Salahlı-Qazaxbəyli bələdiyyələrinin əhatə etdiyi Aşağı Salahlı, Qazaxbəyli və Orta Salahlı kəndlərində Salahlı bələdiyyəsi;
30.3. Birinci Şıxlı və İkinci Şıxlı bələdiyyələrinin əhatə etdiyi Birinci Şıxlı və İkinci Şıxlı kəndlərində Şıxlı bələdiyyəsi;
30.4. Canalı və Kosalar bələdiyyələrinin əhatə etdiyi Canalı, Hüseynbəyli və Kosalar kəndlərində Kosalar bələdiyyəsi;
30.5. Çaylı və Dəmirçilər-Ürkməzli bələdiyyələrinin əhatə etdiyi Bala Çaylı, Çaylı, Dəmirçilər və Ürkməzli kəndlərində Çaylı bələdiyyəsi;
30.6. Kəmərli və Qaymaqlı bələdiyyələrinin əhatə etdiyi Kəmərli və Qaymaqlı kəndlərində Kəmərli-Qaymaqlı bələdiyyəsi.
