![](https://cdn.qerbinfo.com/uploadedfiles/custom/2024/7/14/1/6222d489-23e1-45d0-95ae-477fb88ea276/gencler-s.jpg)
Ağstafa Rayon İcra Hakimiyyətində gənclər təşkilatları rəhbərləri və fəal üzvlərinin iştirakı ilə görüş keçirilib.
Qerbinfo.com xəbər verir ki, Ağstafa Rayon İcra Hakimiyyətinin başçısı Seymur Orucov görüşdə çıxış edərək respublikamızın inkişafında gənclərin rolundan danışıb, Prezident İlham Əliyevin gəncliyə dövlət qayğısının gücləndirilməsi istiqamətində həyata keçirdiyi tədbirləri diqqətə çatdırıb.
Görüşdə çıxış edən gənclər əsası ümummilli liderimiz Heydər Əliyev tərəfindən qoyulmuş və Prezident İlham Əliyev tərəfindən daha da inkişaf etdirilərək təkmilləşdirilən dövlət gənclər siyasətindən, onun uğurlu nəticələrindən söhbət açıblar, onları düşündürən məsələlərlə bağlı arzu və təkliflərini bildiriblər.