Ağstafa rayon İcra Hakimiyyəti başçısı Seymur Orucov Qırılı kəndində vətəndaşlarla növbəti səyyar qəbul keçirib.
Qerbinfo.com xəbər verir ki, müvafiq qrafikə uyğun olaraq Qırılı kənd tam orta məktəbin həyətində təşkil olunan səyyar qəbulda aidiyyəti üzrə məsul şəxslər və kənd sakinləri iştirak ediblər.
RİH başçısı çıxışında bildirib ki, Prezident İlham Əliyevin yürütdüyü uğurlu siyasətin mərkəzində Azərbaycan vətəndaşına qayğı, onların maraqlarının təmin olunması və sosial rifahının yüksəlməsinin durduğunu qeyd edərək diqqətə çatdırıb ki, yerlərdə səyyar qəbulların keçirilməsinin başlıca məqsədi də əhalinin problemlərinin dərindən öyrənilməsi və operativ həllinə nail olmaqdan ibarətdir.
Vətəndaşların irəli sürdükləri müxtəlif məzmunlu müraciət və təkliflər qəbul olunaraq nəzarətə götürülüb.
Qaldırılan hər bir məsələ ətrafında müzakirələr aparılıb, həlli ilə bağlı aidiyyəti üzrə məsul şəxslərə müvafiq tapşırıqlar verilib.
